ಸಾವು ಸೂತಕ

ಏನಿದು ಸೂತಕದ ಛಾಯೆ
ಎಲ್ಲವೂ ದೇವರ ಮಾಯೆ
ಬಿತ್ತೊಂದು ಕೊರಳಿಗೆ ಮಾಲೆ
ಇದೆಲ್ಲ ಅವನಾಡುವ ಲೀಲೆ

ಹೇಳು ನೀ ಅವರಿಗೆ ಧೈರ್ಯ
ತುಂಬು ನೀ ಅವರ ಆತ್ಮ ಸ್ತೈರ್ಯ
ಅವರೊಡನೆ ನಾಲ್ಕಾರು ಮಾತು ಸಂಭಾಷಿಸು
ಆ ಮಾತುಗಳಿಂದ ಅವರನ್ನು ಸಂತೈಸು

ಮನೆಯಲ್ಲಿ ಖುಷಿಯ ನಗೆ ಬೇಡ
ಎಲ್ಲಿಯೂ ಸೂತಕದ ಅಳು ಬೇಡ
ಮನೆಮಂದಿಯೆಲ್ಲ ಮೂಕರಾದರು
ಮೂಕರ ಮೌನವೇ ಮಾತುಗಳಾದವು

ಏನಿದು ದೇವರ ಕೊಟ್ಟ ಶಿಕ್ಷೆ
ಮುಗಿಯತೇ ಅವನು ಕೊಟ್ಟ ಭಿಕ್ಷೆ
ಹಾರಿ ಹೋಯಿತು ಪ್ರಾಣ
ಅದು ಸೇರಿತು ಕಾನನ

ಏನಿದು ಸೂತಕದ ಛಾಯೆ
ಎಲ್ಲವೂ ದೇವರ ಮಾಯೆ