ಮನುಷ್ಯನಿಗೊಂದು ಒಂದು ಮನಸ್ಸು
ಮನಸ್ಸಿನೊಳಗೊಂದು ಒಳ ಮನಸ್ಸು
ಈ ಒಳ ಮನಸ್ಸಿನಲ್ಲಿ ಯಾರ ಮನಸ್ಸು?
ಸೂರ್ಯನ ಕಿರಣ ಬಯಸುವ ತಾವರೆಯ ಮನಸ್ಸು
ದುಂಬಿಯ ಕ್ಷಣ ಪರಿತಪಿಸುವ ಹೂವಿನ ಮನಸ್ಸು
ಈ ಮನಸ್ಸಿಗೂ ಬೇಡವೇ ಒಂದು ಮನಸ್ಸು?
ಅಲೆಗಳಿಗೆ ದಡ ಸೇರುವ ಮನಸ್ಸು
ಚಂದಿರನಿಗೆ ಬೆಳಕು ಬೀರುವ ಮನಸ್ಸು
ನನ್ನ ಮನಸ್ಸಿಗೂ ಮಾಡಬಾರದೇ ಯಾರಾದರೂ ಮನಸ್ಸು?
ಹಕ್ಕಿಗೆ ಹಾರುವ ಮನಸ್ಸು
ಮೀನಿಗೆ ಈಜುವ ಮನಸ್ಸು
ನಾನೂ ಹುಡುಕಬಹುದಾ ಒಂದು ಮನಸ್ಸು?
ನಿನ್ನ ನೋಡಲು ಬಯಸುವ ಈ ಮನಸ್ಸು
ಮಾತನಾಡಿಸುವ ಆಸೆ ಹೊತ್ತಿರುವ ನನ್ನೀ ಮನಸ್ಸು
ಯಾಕೆ ಈ ಮನಸ್ಸಿನ ಜೊತೆ ವೈಮನಸ್ಸು?
ಮನುಷ್ಯನಿಗೊಂದು ಒಂದು ಮನಸ್ಸು
ಮನಸ್ಸಿನೊಳಗೊಂದು ಒಳ ಮನಸ್ಸು
ಈ ಒಳ ಮನಸ್ಸಿನಲ್ಲಿ ಬರೀ ಕನಸಿನ ಮನಸ್ಸು!!
No comments:
Post a Comment