ತಪ್ಪು

ಮಾಡಿದ ತಪ್ಪನ್ನು ಒಪ್ಪು
ಒಪ್ಪಿದ ತಪ್ಪಿಗೆ ಮರುಕದಿರು
ಮರುಗಿದ ತಪ್ಪನ್ನು ತಿದ್ದು
ತಿದ್ದಿದ ತಪ್ಪನ್ನು ಮರುಕಳಿಸದಿರು

ತಪ್ಪು ಮಾಡುವುದು ಸಹಜ
ತಿದ್ದಿ ನಡೆಯುವುದೇ ಮನುಜ
ಇದನ್ನು ತಿಳಿಯೋ ಅನುಜ
ತಿಳಿದರೆ ಅದರಲ್ಲಿದೆ ಮಜ

ಒಂದು ಬಾರಿಯ ತಪ್ಪು ತಪ್ಪಲ್ಲ
ಬಾರಿ ಬಾರಿ ತಪ್ಪಿಗೆ ಒಪ್ಪಿಲ್ಲ
ತಪ್ಪುಗಳಿಲ್ಲದೇ ಮುಪ್ಪಿಲ್ಲ
ತಪ್ಪುಗಳಿಂದಲೇ ಕಲಿಕೆಯೆಲ್ಲ

ತಪ್ಪುಗಳ ತಪ್ಪಲನಲ್ಲಿ ಇರದಿರು
ಅವುಗಳನು ಎದುರಿಸದೇ ಹೆದರದಿರು
ತಪ್ಪುಗಳಿಂದಲೇ ಸಾಗಿಸು ಜೀವನ
ಅವುಗಳ ಕಲಿಕೆಯಿಂದಲೇ ಹಾಡು ಜಯದ ಕವನ

ಆಡು ಮುಟ್ಟದ ಸೊಪ್ಪಿಲ್ಲ
ತಪ್ಪು ಮಾಡದ ಮನುಜನಿಲ್ಲ