ಕಲಾವಿದ

ಅವನೊಬ್ಬ ಅದ್ಭುತ ಕಲಾವಿದ
ನನಗೆ ನಿನ್ನನ್ನೇ ಸೃಷ್ಟಿಸಿದ

ಏನವನ ಸುಂದರ ಕಲೆ
ಮೆಚ್ಚಲೇಬೇಕು ಆಹಾ! ಭಲೇ ಭಲೇ
ಇರಿಸಿದ ಅವಳಲ್ಲಿ ಸೆಳೆತದ ಅಲೆ
ಬಾಗಿಸುವೆನು ನಿನಗೆನ್ನ ತಲೆ

ಪರಿಚಯವಾಗಲೀಗ ಅಬ್ಧುತ ಸಮಯ
ನನಗಿದು ಹೊಸತು ಅವಳ ವಿನಯ
ಅವಳ ನೆನಪಿನಲಿ ನಾನೀಗ ತನ್ಮಯ
ಗೊತ್ತಾಗದೇ ಶುರುವಾಯ್ತು ಪ್ರಣಯ

ಜಾಹೀರಾಗಲಿ ಈ ಪ್ರೀತಿಯ ಸುದ್ದಿ
ಅವಳಲ್ಲಿಯೇ ಕಳೆದೋಯ್ತು ನನ್ನಯ ತುಸು ಬುದ್ಧಿ
ಅವಳ ಮನಸ್ಸೊಂದು ಸುಂದರ ಶುದ್ಧಿ
ಪ್ರೀತಿ ಪಡೆಯಲು ಮಾಡಿರುವೆ ಜಿದ್ದಿ

ನಮ್ಮಿಬ್ಬರ ಈ ವಿನೊತನ ಹಾದಿ
ಆಗಲಿ ಈ ಘಳಿಗೆಯಿಂದ ಆದಿ
ಊರಲ್ಲಿರುವ ಒಂದೊಂದು ಬೀದಿ,
ಹೊಗಳಲಿ ನಮ್ಮ ಪ್ರಿತೀ ಕವನವ ಓದಿ

ಅವನೊಬ್ಬ ಅದ್ಭುತ ಕಲಾವಿದ,
ಅವನೊಬ್ಬ ಅದ್ಭುತ ಕಲಾವಿದ
ನನಗೆ ನಿನ್ನನ್ನೇ ಸೃಷ್ಟಿಸಿದ

ಅಮೂಲ್ಯ ಜೀವನ

ಏನಿದು ಭಗವಂತ ಈ ಜೀವನ?
ಇದು ಸಿಹಿ-ಕಹಿಗಳ ಕವನ ಹಾಗೂ ಕದನ

ಸಮುದ್ರವೊಂದು ಹರಿದರೆ ನದೀಯಾದಿತು
ನದಿಯೊಂದು ನಿಂತರೆ ಸಮುದ್ರವಾದೀತೆ?
ಈ ಸಮುದ್ರದ ತೀರವೊಂದು ಉದ್ದವಾಗಿದೆ
ತೀರದ ಉದ್ದವು ಕಡಿಮೆಯಾದೀತೆ?

ಸಸಿಯೊಂದು ಬೆಳೆದು ಗಿಡವಾದೀತು
ಗಿಡವೊಂದು ಮುರಿದು ಸಸಿಯಾದೀತೆ?
ಸಮಯವು ಕಳೆದು ಮುಂದೆ ಹೋದೀತು
ಹೋದ ಸಮಯ ತಿರುಗಿ ಬಂದೀತೆ?

ಆಗುವುದು ಲವಣಗಳಿಂದ ಮುತ್ತೊಂದು
ಒಡೆದು ಹೋದ ಮುತ್ತು ತಿರುಗಿ ಬಂದೀತೆ?
ಹೊರಳಾಡುವುದು ಎಲುಬಿಲ್ಲದ ನಾಲಿಗೆಯು
ಆಡಿದ ಮಾತು ವಾಪಸ್ಸಾದೀತೆ?

ಮೊಗ್ಗಂದು ಅರಳಿ ಹೂವಾದೀತು
ಹೂವೊಂದು ಮರಳಿ ಮೊಗ್ಗಾದೀತೆ?
ಮಿಂಚೊಂದು ಧರೆಗಿಳಿದು ಬಂದಂತೆ
ತಿರುಗಿ, ಅದು ಮೇಲೆ ಚಲಿಸೀತೆ?

ಇದು ಮೇಲಿನವನ ಆಟದ ಬಣ್ಣ
ಇದು ಸಿಹಿ-ಕಹಿಗಳ ಕವನ ಹಾಗೂ ಕದನ

ಪ್ರೀತಿ ಎಂದರೆ ಇದೇನಾ?

ಸಾಗಿದ ದಾರಿಯ ಕಳೆದು
ಸಾಗುವ ದೂರವ ಮರೆತು
ವರ್ತಮಾನದಲ್ಲಿ ಸಮಯ ನಿಂತಿರಲು
ಪ್ರೀತಿ ಎಂದರೆ ಇದೇನಾ? ಪ್ರೀತಿ ಎಂದರೆ ಇದೇನಾ?

ಪ್ರತೀ ಕ್ಷಣವು ನೆನೆದು
ಪ್ರತೀ ಸಲವು ಜಗ ಮರೆತು
ಮುಗಿಲು ಕರಗಿ ಹನಿಯೊಂದು ಬಂದಿರಲು
ಪ್ರೀತಿ ಎಂದರೆ ಇದೇನಾ? ಪ್ರೀತಿ ಎಂದರೆ ಇದೇನಾ?

ಅವಳನು ನೋಡಿದ ಸಮಯ
ತುಸು ತಾಳ ತಪ್ಪಿತು ಹೃದಯ
ಬೇರೆ ಎಲ್ಲವು ಸ್ತಬ್ಧವಾಗಿರಲು
ಪ್ರೀತಿ ಎಂದರೆ ಇದೇನಾ? ಪ್ರೀತಿ ಎಂದರೆ ಇದೇನಾ?

ಎದುರು ನೋಡುತಿರಲು ಅವಳದೇ ಸಂದೇಶ
ಎನ್ನೋಳಗೇ ಏನೋ ಒಂದು ಭಾವ ವಿಶೇಷ
ನಿತ್ಯ-ದಿನನಿತ್ಯದಾಟ ನಡೆದಿರಲು
ಪ್ರೀತಿ ಎಂದರೆ ಇದೇನಾ? ಪ್ರೀತಿ ಎಂದರೆ ಇದೇನಾ?

ಅವಳೊಡನೆಯ ಗತಕಾಲವೀಗ ನಿಮಿಷ
ಸನಿಹದಲ್ಲಿರುವಾಗ ಬೇರೆ ಎಲ್ಲವೂ ನಿಶ್ಯೇಷ
ಜೀವನವೀಗ ಹೊಸ ಅರ್ಥ ಪಡೆಯುತಿರಲು
ಪ್ರೀತಿ ಎಂದರೆ ಇದೇನಾ? ಪ್ರೀತಿ ಎಂದರೆ ಇದೇನಾ?